Bu sayt Milli-Mədəni İnkişafa Dəstək İctimai birliyinin dəstəyi ilə yaradılmışdır.
KİTABLAR:
Dədə
ocağı Məsləhətçi: Qənbər Qurbanov. Redaktor: İslam Əsgəroğlu.
M 59. Məhəmməd
Nərimanoğlu. B. Gənclik 1998. Şəkilli 144 s.
1988-ci ildən başlayan erməni-müsəlman savaşında
torpaqlarımızın öz qanımızla boğulması, yurd ağrısı,
müsibət və faciələrimiz bu kitabın mövzusunu təşkil
edir. Publisistikanın imkanlarından istifadə edilməklə,
burada fəlakət və müsibətlərimiz faktlar əsasında
açılır və erməni daşnaklarının əsl siması üzə çıxır.
Vətəndaşlıq qayəsi ilə qələmə alınmış bu kitabın
gənc nəslin vətənpərvərlik ruhunda tərbiyyəsində
mühüm rol oynayacağı şəksizdir. Dədə Şəmşir ocağının
faciəsini ümumiləşdirilmiş halda götürməklə, müəllif
1988-93-cü illərdə məcburi cəlb olunduğumuz müharibənin
gözə görünməyən və dərk edilməyən dəhşətli mənzərəsini
verməyə çalışmış və müəyyən mə`nada buna nail olmuşdur.
Gədəbəy
xatirələri
Redaktor – Füzuli
Ramazanoğlu
Məsləhətçi - Dəmir Gədəbəyli
Uzun illər
babası Ağdabanlı Şair Qurbanın və atası Aşıq Şəmşirin
şe”rlərinin tədqiqi və kitablarının nəşri ilə məşğul
olan Qənbər Şəmşiroğlu ilk dəfədir ki, öz kitabı
ilə oxuçularının görüşünə gəlib. “gədəbəy xatirələri”
adlanan bu kitabda müəllif 1989-92-çi illərdə Gədəbəydə
işlədiyi müddətdə gördüyü işlərdən, rastlaşdığı
hadisələrdən və sonrakı illərdə göstərdiyi fəaliyyətdən
səmimiyyətlə söhbət açır. Həmçinin müəllif burda
yeri gələndə ilhamından süzülən şe”r nümünələrindən
də istifadə edir. Qələmə alınan hadisələrin reallığı
həyatın özündən götürüldüyündən kitabın geniş oxuçu
rəğbətini qazanaçağına inanırıq.
Məmməd
Aslan. Saxla izimi dünya.
Oğul
gərək oğul olsun Redaktor
və ön söz müəllifi: Füzuli Ramazanoğlu.
Qənbər
Şəmşiroğlu. “Oğul gərək oğul olsun”. Şe`rlər, dastanlar,
hekayələr.
B 2006. Səda nəşriyyatı. 300 s.
“Oğul gərək oğul olsun” Qənbər Şəmşiroğlunun oxucularla
III görüşüdür. “Gədəbəy xatirələri” və “Axtarıb
Şəmşiri görmək istəsən” publisistik kitablarından
sonra fikir və düşüncələrini sadə və oxunaqlı bir
dillə şe`r, hekayə və dastanlar şəklində qələmə
alan müəllif hər üç mövzuda yüksək səviyyədə istədiyinə
nail olub. Uzun illərin yaradıcılıq məhsulu kimi
kitabın oxucular tərəfindən maraqla qarşılanacağı
ümidindəyik.
Dədə Şəmşir yaddaşlarda Toplayıb tərtib
edəni: Qənbər Şəmşiroğlu. Redaktoru və ön söz müəllifi: Füzuli
Ramazanoğlu.
Dədə Şəmşir yaddaşlarda (Xatirələr) B. Gənclik.
200. 360 səh. D 71.
Oxuculara təqdim olunan “Dədə Şəmşir yaddaşlarda”
kitabı gözəl saz-söz sərrafı, ustadlar ustadı olan
Aşıq Şəmşir ömrünə bir baxışdır. Burada müxtəlif
mətbuat orqanlarında unudulmaz sənətkar haqqında
görkəmli alimlərin, şairlərin yazıçıların, jurnalistlərin,
bir sözlə Şəmşirsevərlərin ürək sözləri, xatirələri,
ona həsr olunmuş şe`rlər, hekayələr, məqalələr və
s. toplanmışdır. Kitabda həmçinin ulu nəğməkarın
müxtəlif vaxtlarda çap olunmuş məqalələri, şerləri
və s. verilir. Elə bilirik ki, bu kitab Dədə Şəmşirin
qəribsəyən müqəddəs ruhuna ən böyük ehtiram olacaq.
Yurd
Göynərtirsi
Məhəmməd
Nərimanoğlu. Yürd göynərtisi. Bakı, “Azərbaycan”
nəşiriyyatı, 1995. 288 s.
Kəlbəcərin
qəm dastanı, viran oldu Gülüstanı Şamil Dəlidağlı. Bakı
1998.
Kitabın üz qabığında Kəlbəcərin şəhid olmuş muzeyinin
arxa divarı. Kitabın arxasında Kəlbəcərin “Şahmat
məktəbi” binasının ön divarı öz əksini tapmışdır.
Hər iki bina divarlarında gördüyünüz naxışların
layihəsini Şamil Əsgərov vermişdir və burada işlənilən
2000-dən artıq rəng çalarları olan daşlar onun əlləri
ilə toplanmışdır.
Kitabın arxasında İstisu kurortundan bir görünüş
öz əksini tapmışdır.
Kəlbəcər
– Azərbaycanın qala qapısı.
Redaktor:
Firuzə Rzabəyova. Məsləhətçi: S. Əkbərov.
Zimistan Həsənov. Məhəmməd Nərimanoğlu. Bakı
“Təfəkkür” NPM 2001. 400 s.
Kitab
Azərbaycanın qərb bölgəsində yerləşən, hazırda erməni
işğalı altında olan Kəlbəcərin tarixi və taleyinə
həsr olunmuşdur.
O
Kürün, Arazın Tərtəriyəm mən
Tərtibçi:
Qənbər Şəmşiroğlu. Redaktor: Məmməd Aslan. Rəssam: Yavər Əsəsov. Kompüter operatoru: Gülər Sadıqzadə. Kompüter dizaynı: Munis İsgəndərli,
İlqar Əliyev.
O
Kürün, Arazın Tərtəriyəm mən.Bakı.
“Sabah” n-2004.
Sazımızın və sözümüzün böyük yaradıcılarından olan
Əməkdar Mədəniyyət Xadimi Aşıq Şəmşirin bu yubiley
nəşrində unudulmaz sənətkarların zəngin irsindən
seçmə bir güldəstə araya-ərsəyə gətirilmişdir. Burada
uzun ömür və keşməkeşli həyat yaşamış ünlü ozanımızın
dürlü-dürlü sənət ovqatları və onun həssaslıqla
misra sığalına gətirdiyi ölməz könül çırpıntıları
ilə qarşılaşacaqsınız.
Ağdabanlı
şair Qurban Toplayıb tərtib
edən: Sədnik Paşa Pirsultanlı və Qənbər
Şəmşir oğlu Qurbanov. Redaktor: S.P.Pirsultanlı. Rəssam: Nəsib Eyvazlı.
Ağdabanlı
şair Qurban. A30 B. Gənclik 2000. 178 s.
Bu kitab müasirlərinin və özündən sonra gələn aşıqların,
el şairlərinin yaradıcılığına güclü təsir göstərən,
yüksək sənətkarlıq nümunələri ilə Azərbaycan aşıq
şe`rinin inkişafında əhəmiyyətli rol oynayan Ağdabanlı
Qurbanın yaradıcılığından bəhs edir.
Kəlbəcər
dünyası. Yüz şairin bir kitabı
Toplayıb
tərtib edən: Adil Cəmil. Məhəmməd Nərimanoğlu. Məsləhətçi: Qənbər Şəmşiroğlu. Elmi redaktor: Hüseyn İsmayılov.Filologiya
elmləri doktoru. Rəyçilər: Muxtar Kazımoğlu. Yaşar
Qasımzadə-filologiya elmləri namizədləri.
Kəlbəcər
dünyası.Yüz şairin bir kitabı. Antologiya. B. “Adiloğlu”
n-2005. 460 s.
Oxuculara təqdim olunan antologiyada 100 nəfər kəlbəcərli
şairin yaradıcılığından nümunələr verilmişdir. Xalq
ədəbiyyatına, folklor təfəkkürünə, saz ruhuna bağlı
bu şairlərin poetik mədəniyyətində bir yaxınlıq
olsa da, onların dünya duyumunda, fəlsəfi baxışlarında
fərqli motivlər görünür. Kəlbəcər ədəbi məkanında
yetişən Bimar Əli, Məmməd Aslan, Bəhmən Vətənoğlu,
Sücaət, Əli Quban Dastançı... kimi şairlər təbii
ki, Ağdabanlı Qurbanın, Dədə Şəmşirin mənəvi varisləridir.
Şairlər şəcərəsinə yeni-yeni adlar qoşulduqca Kəlbəcər
ədəbi mühitinin çağdaş mənzərəsi daha da zənginləşir,
ədəbiyyatımızın çərçivəsi daha da genişlənir.
Ümid
İşığı
Bədii redaktoru:
Əli Qurban Dastançı. Redaktoru: Alqış Həsənoğlu.
Məhəmməd Nərimanoğlu. Bakı “Səda” n-1996. 160 s.
Müəllifin sayca III kitabı “Ümid İşığı” erməni işğalçılarının
vətənə təcavüzü və bu yolda millətimizin başına
açılan müsibətlərdən söz açır. 1988-ci ildən bəri
yurdlarımızı odlara qalayan, özgə torpağında gözü
olan erməni qaniçənlərinin Kəlbəcərdə törətdiyi
faciələrə ayna tutuan “Ümid işığı” müəllifin eyni
mövzuda nəşr etdiyi “Dağların sinə dağı” və “Yurd
göynərtisi” kitablarının bir növ davamıdır. Kitabdakı
publisistik və bədii yazıların ana xəttini Vətənə
məhəbbət, düşmənə nifrət, yurda bağlılıq təşkil
edir. Kitab eyni zamanda Kəlbəcərin işğalolunma
səbəblərinə də bir aydınlıq gətirir.